{ਈਦ}-ਗੁਰਮੀਤ ਸੰਧਾ

..

ਈਦ-   ਗੁਰਮੀਤ ਸੰਧਾ

.ਈਦ ਆਈ ਪਰ ਤੂੰ ਨਾ ਆਇਆ ,

ਮੈਂ ਵਿੱਚ ਦਰਾਂ ਦੇ ਖਲੀ ਆਂ

ਛਲਕਣ ਨੈਣ ਦਿਲ ਡੁੱਬਦਾ ਜਾਵੇ ,

ਦੁਖਣ ਪੈਰਾਂ ਦੀਆਂ ਤਲੀਆਂ

ਵਾਂਗ ਸ਼ੁਦੈਣਾ ਜ਼ੁਲਫ਼ਾਂ ਖੁੱਲ੍ਹੀਆਂ ,

ਖੜੀ ਤੱਕਾਂ ਵੱਲ ਗਲੀਆਂ

ਆ ਸੱਜਣਾਂ ਮੈਂ ਵੀ ਈਦ ਮਨਾਵਾਂ ,

ਮੈਂ ਬਾਝ ਤੇਰੇ ਮੁੱਕ ਚੱਲੀ ਆਂ

ਸੱਜਣਾਂ ਵਾਲੀਆਂ ਵੇਸ ਲਗਾਏ ,

ਅਸੀਂ ਪਏ ਦੁਪੱਟੜਾ ਤਾਣ

ਖੜਾ ਸਿਰਹਾਣੇ ਕੂਕੇ ਬਿਰਹਾ ,

ਜਾਏ ਮੁੱਕਦਾ ਮੇਰਾ ਹਠ ਤ੍ਰਾਣ

ਸੁੱਤੜੀ ਰੀਝ ਉਣੀਂਦੀਆਂ ਅੱਖੀਆਂ ,

ਮੇਰੇ ਅਟਕੇ ਲਬਾਂ ਤੇ ਪ੍ਰਾਣ

ਤੇਰੇ ਬਿਨਾ ਸਾਡੀ ਈਦ ਨਾ ਮੰਨਦੀ ,

ਆ ਰੱਖ ਕਮਲੀ ਦਾ ਮਾਣ .

-ਗੁਰਮੀਤ   ਸੰਧਾ