ਪੰਜਾਬੋ ਜੀਵੇ ਗੀ ਇਥੇ ,

ਨੀਂ ਪੰਜਾਬੋ , ਆਹ ਤੇਰਾ ਹਾਲ 

ਹੋਇਆ ਇਹ ਕਿਓਂ ਇਹ ਸਵਾਲ ;

ਕਿਸਦੇ ਕੋਲੋਂ ਪੁਛਾਂ ਜਾ?

ਸਾਰੇ ਆਖਣ ਬਦਲੀ, 'ਵਾ.

ਬਾਣੀ ,ਬਾਣੇ ਵੱਲ ਕੰਡ ਕਰ ;

ਬੋਲੀ ਭਾਸ਼ਾ ਦੀ ਝੰਡ ਕਰ .

ਬੀਬੇ ਰਾਣੇ,ਬਣੇ ਅਸੀਂ 

ਮੱਤ ਤੋਂ ਕਾਣੇ ਬਣੇ ਅਸੀਂ .

-੦-੦-੦-੦-੦-੦-੦--੦-

ਠੇਕੇ ਦਾਰ ਜੋ ਭਾਸ਼ਾ ਦੇ ;

ਸੋਮੇ ਓਹ ਨਿਰਾਸ਼ਾ ਦੇ .

ਆਪਣੇ ਬਾਲ ਵ੍ਲੈਤੀੰ ਘੱਲ ;

ਹਥ ਧੋ ਹੋ ਗਏ ਭਾਸ਼ਾ ਵੱਲ .

ਕਾਨਵੇਂਟ ਚ ਬਾਲ ਪੜ੍ਹਾ ਕੇ ;

ਮਨ ਬੋਲੀ ਹਿਤ ਨਾਹਰੇ ਲਾਓੰਦੇ.

ਖੁਦ ਨੂੰ ਚਾਤਰ ਸ਼ਾਤਰ ਸਮਝਣ .

ਘੱਟਾ ਪੰਜਾਬੋ ਅਖ ਪੋਂਦੇ .

ਕੁਝ ਆਖਣ ਪੰਜਾਬੋ ਮਰ ਜੂ ;

ਮੋਕਲਾ ਜਗ ਦਾ ਵੇਹੜਾ ਕਰ ਜੂ.

-੦-੦-੦-੦-੦-੦-੦-੦-੦-੦-੦-੦-

ਪੰਜਾਬੋ ਦੇ ਲਾਲ ਕਈ;

ਬੇਹਾਲ ਕਈ ,ਖੁਸ਼ ਹਾਲ ਕਈ ;

ਜਰਦਾਰ ਕਈ ,ਕੰਗਾਲ ਕਈ .

ਫੜੀਆਂ ਵਾਲੇ ,ਰਿਕ੍ਸ਼ੇ ਵਾਲੇ ,

ਫੇਰੀ ਵਾਲੇ ,ਢੇਰੀ ਵਾਲੇ ;

ਵੇਹੜੇ ਵਾਲੇ ,ਰੇਹੜੇ ਵਾਲੇ .

ਕਾਂਡੀ,ਤੇਸੇ ,ਦਾਤੀ ਵਾਲੇ ;

ਫੌਲਾਦੀ ਜਹੀ ਛਾਤੀ ਵਾਲੇ .

ਪੱਕੇ ਪੱਕੇ ਰੰਗਾਂ ਵਾਲੇ .

ਆਪਣੇ ਜਹੇ ਢੰਗਾਂ ਵਾਲੇ ;

ਜੋ ਮਾ ਬੋਲੀ ਵਿੱਚ ਖਾਂਦੇ ਨੇ , 

ਜੋ ਮਾਂ ਬੋਲੀ ਨੂੰ ਨਹੀਂ ਖਾਂਦੇ.

ਜੋ ਮਾਂ ਬੋਲੀ ਦੀ ਗੋਦੀ ਨੂੰ 

ਵਿੱਚ ਸੁਫਨੇ ਵੀ ਦਾਗ ਨਹੀਂ ਲਾਂਦੇ.

ਪੰਜਾਬੋ ਜੀਵੇ ਗੀ ਇਥੇ ,

ਯੁਗ ਯੁਗ ਤੱਕ ,ਬੇਸ਼ੱਕ ਬੇਸ਼ੱਕ 

ਦੀਪ੍ਜੀਰਵੀ 

9815524600