ਜਿਵਂੇ ਕੋਈ ਆਪਣੇ ਮਹਿਬੂਬ ਦੀਆਂ ਬਾਹਾਂ 'ਚ ਲਿਪਟੇ
ਮੈਂ ਇੰਝ ਲਿਪਟਾਂ, ਮੈਂ ਇੰਝ ਲਿਪਟਾਂ
ਆਪਣੇ ਹੀ ਜਿਸਮ ਦੀਆਂ ਬਾਂਹਾਂ 'ਚ, ਮੈਂ ਇੰਝ ਲਿਪਟਾਂ
ਟੁੱਟ ਕੇ ਕਰ ਬੈਠੀ ਹਾਂ, ਮੈਂ ਫ਼ੁਦ ਨੂੰ ਪਿਆਰ ਇੰਨਾਂ
ਕਿ ਤੇਰੀ ਨਸੀਹਤ ਦਾ ਮੇਰੇ 'ਤੇ ਅਸਰ ਨਹੀਂ ਹੁੰਦਾ।
ਜ਼ਮਾਨਾ ਕਰਦਾ ਹੈ ਇਸ਼ਾਰੇ, ਮੇਰੀ ਹਰ ਕਮਜ਼ੋਰੀ 'ਤੇ
ਸੁਧਰਨ ਨੂੰ ਦਿਲ ਮੇਰਾ ਹੀ ਨਹੀਂ ਕਰਦਾ
ਲਹੂ ਲੁਹਾਣ ਹਾਂ ਬੇਸ਼ੱਕ, ਆਪਣੇ ਹੀ /ੈਸਲਿਆਂ ਤੋਂ
ਕਿਰਚਾਂ ਹੋਇਆ ਕੱਚ ਚੁੱਕਣਾ, ਮੈਨੂੰ ਬੁਰਾ ਨਹੀਂ ਲਗਦਾ
ਮੈਨੂੰ ਆਪਣੇ ਵਿੱਚ ਕੋਈ ਨੁਕਸ ਹੀ ਨਹੀਂ ਲੱਭਦਾ
ਮੈਂ ਠੀਕ ਹਾਂ, ਮੈਨੂੰ ਤਾਂ ਤੂੰ ਹੀ ਗਲਤ ਲੱਗਦਾਂ
ਆਪਣੇ ਹੀ ਜਿਸਮ ਦੀਆਂ ਬਾਂਹਾਂ ਚ 'ਅੰਜੂ' ਇੰਝ ਲਿਪਟਾਂ
ਮੈਥੋਂ ਮੇਰੇ ਬਗੈਰ ਹੋਰ ਕਿਸੇ ਸੰਗ ਪਿਆਰ ਹੀ ਨਹੀਂ ਹੁੰਦਾ
ਤੇਰੀ ਨਸੀਹਤ ਦਾ ਮੇਰੇ 'ਤੇ ਅਸਰ ਨਹੀਂ ਹੁੰਦਾ।
- ਅੰਜੂਜੀਤ ਸ਼ਰਮਾ ਜਰਮਨੀ
No comments:
Post a Comment