ਤੇਰਾ ਤੇ ਮੇਰਾ ਕੋਈ ਝਗੜਾ ਨਹੀਂ (ਅੰਜੂਜੀਤ ਸ਼ਰਮਾ ਜਰਮਨੀ)
ਤੇਰੀ ਤੇ ਮੇਰੀ ਕੋਈ ਜਾਤ ਨਹੀਂ
ਤੇਰਾ ਤੇ ਮੇਰਾ ਕੋਈ ਝਗੜਾ ਨਹੀਂ
ਤੇਰਾ ਤੇ ਮੇਰਾ ਇੱਕ ਹੀ ਪੰਧ ਹੈ
ਤੇਰੀ ਤੇ ਮੇਰੀ ਸੋਚ ਦਾ ਇੱਕ ਹੀ ਢੰਗ ਹੈ
ਤੂੰ ਤੇ ਮੈਂ ਗੈਰ ਨਹੀਂ,
ਤੂੰ ਵੀ ਕੋਈ ਭੜਕਾਊ ਅਖਬਾਰ, ਪ੍ਰਚਾਰਕ ਨਹੀਂ
ਮੇਰੇ ਅੰਦਰ ਵੀ ਕੋਈ ਨਫਰਤ ਨਹੀਂ
ਤੇਰੀ ਤੇ ਮੇਰੀ ਕੋਈ ਜਾਤ ਨਹੀਂ
ਤੇਰਾ ਤੇ ਮੇਰਾ ਕੋਈ ਝਗੜਾ ਨਹੀਂ
ਕਿਉਂਕਿ
ਤੇਰੀ ਤੇ ਮੇਰੀ
ਇੱਕ ਹੀ ਮਰਜ਼
ਇੱਕ ਹੀ ਨਬਜ਼
ਇੱਕ ਹੀ ਰਮਜ਼ ਹੈ।
ਤੂੰ ਗੂੰਗੇਂ ਜਜ਼ਬਾਤਾਂ ਨੂੰ ਲਿਖਦਾਂ,
ਸਮੇਂ ਦੀ ਕਲਮ 'ਚ ਸਿਆਹੀ ਭਰਦਾਂ
ਇੱਕ ਲਿਖਾਰੀ ਹੈਂ।
ਮੈਂ ਤੇਰੀਆਂ ਲਿਖਤਾਂ ਨੂੰ ਸਾਂਭਦਾਂ
ਤੇਰੀ ਪੀੜ ਨੂੰ ਮਹਿਸੂਸਦਾਂ
ਤੇਰੀ ਗਜ਼ਲ, ਨਜ਼ਮ ਗੁਣਗੁਣਾਉਂਦਾ
ਤੇਰੇ ਜ਼ਜਬਿਆ ਦਾ ਸ਼ੈਦਾਈ ਹਾਂ
ਤੇਰਾ ਤੇ ਮੇਰਾ ਕੋਈ ਝਗੜਾ ਨਹੀਂ।
ਤੇਰੀ ਤੇ ਮੇਰੀ ਕੋਈ ਜਾਤ ਨਹੀਂ
ਤੇਰੀ ਤੇ ਮੇਰੀ ਸੋਚ ਦੀ ਤਸਵੀਰ ਵੱਖ ਨਹੀਂ
ਦਰਿਆ ਨੂੰ ਮਾਪ ਸਕਦਾ ਆਮ ਇਨਸਾਨ ਨਹੀਂ
ਆਮ ਇਨਸਾਨ 'ਅੰਜੂ' ਸਮਝ ਨਹੀਂ ਸਕਦਾ
ਕਵੀ ਦੇ ਅੰਦਰਲੀ ਲਹਿਰ
ਤੇਰੀ ਤੇ ਮੇਰੀ ਕੋਈ ਜਾਤ ਨਹੀਂ
ਤੇਰੀ ਤੇ ਮੇਰੀ ਸੋਚ ਦਾ ਇੱਕ ਹੀ ਢੰਗ ਤੇ ਪੰਧ ਹੈ
ਤੇਰਾ ਤੇ ਮੇਰਾ ਕੋਈ ਝਗੜਾ ਨਹੀਂ।
(ਅੰਜੂਜੀਤ ਸ਼ਰਮਾ ਜਰਮਨੀ)
No comments:
Post a Comment